Stærsta hlutabréfaeign Donalds Trump liggur í stórfyrirtækjunum Apple, Microsoft, Pepsi og General Electrics. Þetta kemur fram í fjárhagsupplýsingum sem forsetaframbjóðandinn þurfti að skila til að upplýsa um möguleg hagsmunatengsl.

Hlutabréf hans í Apple eru metin á um 600 þúsund dollara, eða um 75 milljónir króna. Þetta þykir áhugavert í ljósi þess að Trump hefur í kosningabaráttu sinni gagnrýnt Apple harðlega fyrir að framleiða vörur sínar utan Bandaríkjanna.

Trump hefur einnig gagnrýnt bílframleiðandann Ford af sömu sökum og segir fyrirtækið flytja störf sem honum finnst að ættu að vera í Bandaríkjunum til Mexíkó. Samkvæmt fjárhagsupplýsingum Trumps á hann þó 500 þúsund dollara hlut í Ford, eða sem jafngildir 62 milljónum króna.

Í frétt CNN segir að Trump eigi um 172 milljónir dollara, eða um 21 milljarð króna í hlutabréfum, skuldabréfum og sjóðum. Á hann bréf í um 100 mismunandi félögum og fjárfestir hann í gegnum að minnsta kosti fjóra fjárfestingarsjóði.

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• Blogga um frétt