Apple borgaði 125 milljónir fyrir stiga

Tæknirisinn Apple opnaði nýlega verslun í San Fransisco í Bandaríkjunum. Mikið var lagt í búðina sem alls kostaði 23,6 milljónir dollara, eða tæpa þrjá milljarða króna. Tveir stigar í versluninni kostuðu samtals eina milljón dollara, eða um 125 milljónir íslenskra króna.

Þetta kemur fram í kostnaðaráætlun sem Apple skilaði inn til skipulagsyfirvalda. Þetta er áætlun og gæti heildarkostnaðurinn því verið aðeins minni eða meiri.

Þessi skjár kostaði 187 milljónir króna og festingarnar kostuðu sex milljónir. Ljósmynd/Apple

Apple-skiltið sem er utan á versluninni kostaði 82 þúsund dollara, eða tíu milljónir króna. Þá kostuðu festingar fyrir risaskjá sem er í versluninni 50 þúsund dollara, eða sex milljónir króna. Skjárinn kostaði 1,5 milljón dollara, eða 187 milljónir króna.

Þá eyddi fyrirtækið einnig fimmtíu þúsund dollurum í hillur í búðinni og sólarrafhlaða á þakinu, sem sér búðinni fyrir rafmagni, kostaði 800 þúsund dollara, eða 225 milljónir króna.

Þetta skilti á nýrri verslun Apple kostaði tíu milljónir króna. AFP

Þessar hillur ásamt í búðinni kostuðu samtals tíu milljónir. AFP

Risavexin glerhurð er á nýrri búð Apple í San Fransisco. AFP

• Blogga um frétt