Telur sameiningu geta verið hagfellda

Stjórn Kviku banka telur að hagfellt kunni að vera að sameina bankann fjármálafyrirtækinu Virðingu.

Stjórnin mælir hins vegar ekki með því að hluthafar Kviku taki endurskoðuðu kauptilboði Virðingar sem þeim barst í síðustu viku. Þar er gert ráð fyrir að við samruna verði skiptaverðmæti hlutafjár Kviku 69% á móti 31% fyrir hlutafé í Virðingu.

Stjórnin telur skiptahlutfallið ekki hagstætt hluthöfum Kviku, auk þess sem fyrirvarar og skilyrði séu óaðgengileg, að því er fram kemur í umfjöllun um mál þetta í Morgunblaðinu í dag.