Þriðji stærsti banki Ítalíu þarf aðstoð

Þriðji stærsti banki Ítalíu, Monte dei Paschi di Siena (BMPS), þarfnast 8,8 milljarða evra aðstoð að því er evrópski seðlabankinn segir.Áður hafði seðlabankinn sagt að nauðsynlegt væri að koma með þriggja milljarða innspýtingu inn í bankann.

BMPS er talinn elsti banki heims, en í tilkynningu frá honum segir að seðlabankinn hafi viðrað þessa skoðun sína við fjármálaráðuneyti landsins.Þar kemur einnig fram að seðlabankinn telji lausafé bankans hafa hrunið frá 30. nóvember til 21. desember.

Þegar AFP fréttastofan leitaði eftir því að fá viðbrögð frá evrópska seðlabankanum var svarið að ekki yrði rætt um málefni einstaka banka.

Samkvæmt heimildum II Sole blaðsins í Ítalíu er horft til þess að ítölsk stjórnvöld setji 6 milljarða evra í bankann, en að afgangurinn komi í gegnum útgáfu skuldabréfa hjá bankanum.

• 1 blogg um fréttina

Bloggað um fréttina

• Páll Vilhjálmsson: Trump og Brexit í ár, evran 2017