Hawking ætlar út í geim

Stephen Hawking.
Stephen Hawking. AFP

Eðlisfræðingurinn Stephen Hawking segist umsvifalaust hafa tekið boði Richard Branson um sæti í geimferju Virgin Galactic.

Í samtali við Good Morning Britain segist Hawking ávallt hafa dreymt um að fara út í geim. Þegar honum hafi loksins staðið það til boða hafi hann ekki þurft að hugsa sig tvisvar um. Svaraði hann játandi á stundinni.

Vonir standa til að fyrirtæki Richard Branson, Virgin Galactic, geti bráðlega hafið hópferðir út í geim. Upphaflegar áætlanir gerðu ráð fyrir að fyrsta ferðin yrði farin árið 2009 en því hefur seinkað af ýmsum sökum.

Miði út í geim með Branson kostar 250 þúsund Bandaríkjadali, eða 27 milljónir króna.

Frétt Business Insider.

mbl.is
Svæði

Gagnaveitur

Erlendar viðskiptafréttir