Átta vilja á Rósaselstorg

Verslun Kaupfélags Suðurnesja hefur skrifað undir viljayfirlýsingar við átta aðila um rekstur í nýrri verslunar- og þjónustumiðstöð sem kaupfélagið hyggst reisa við síðasta hringtorgið áður en komið er að Leifsstöð, þar sem leiðir liggja einnig til Sandgerðis, Garðs og Reykjanesbæjar.

Miðstöðin hefur fengið nafnið Rósaselstorg. Auk þess hefur verið skrifað undir viljayfirlýsingu við sveitarfélagið Garð, en miðstöðin verður í landi sveitarfélagsins. Aðilarnir sem um ræðir eru Samkaup hf. fyrir Nettó-verslun, Olís fyrir bensínafgreiðslu, veitingastaðirnir Grill 66, Kentucy, Taco Bell, Pizzahut og Subway og útivistarmerkið Cintamani.

Skúli Skúlason, stjórnarformaður Kaupfélags Suðurnesja, segir í samtali við Morgunblaðið að enn sé beðið eftir leyfi frá yfirvöldum til að hægt sé að ráðast í skipulag svæðisins, en upphaflega stóð til að ljúka framkvæmdum á þessu ári.

• Blogga um frétt