Breska flugfélagið Ryanair gerir ráð fyrir því að flugfargjöld muni halda áfram að lækka og gerir ráð fyrir 5-7% lækkun fram að mars á næsta ári. Meðal ástæðna lækkananna er veikt pund en á síðasta fjárhagsári lækkuðu fargjöld félagsins um 13%.
Greint er frá þessu á vef BBC.
Lækkandi fargjöld virðast ekki hafa haft mikil áhrif á hagnað félagsins en hann nam 1,14 milljarði punda eða því sem nemur 145,9 milljörðum íslenskra króna, á síðasta fjárhagsári þar sem að farþegum fjölgaði.
Hlutabréf í félaginu lækkuðu um 1,5% í morgun en þau hafa hækkað um fimmtung á þessu ári.
Ferðir Ryanair á hverjum degi eru 1.800 talsins í 33 löndum. Þrátt fyrir lækkandi fargjöld býst félagið við því að hagnaður félagsins á þessu fjárhagsári muni aukast um 8%.