Bönd sem sett eru á blöðrur geta skapað hættu fyrir ung börn, sér í lagi ef þau eru ekki undir stöðugu eftirliti fullorðinna. Neytendastofa greinir frá þessu en lengi vel hefur verið hefð fyrir blöðrusölu á hátíðarhöldum á 17. júní sem er á morgun.
Þá vill Neytendastofa benda á að blöðrur, líkt og önnur leikföng, sem markaðssettar eru á Íslandi, eiga að vera CE-merktar og uppfylla ákvæði staðla og reglna sem um þær gilda.
„Forráðamönnum barna er bent á að blöðrur ætti alls ekki binda við vöggu, rúm eða handleggi barna eða þar sem börn eru án stöðugs eftirlits,“ segir á vef Neytendastofu.