Leifur B. Dagfinnsson, framleiðandi hjá True North, segir umsvif erlendra kvikmyndaverkefna hafa dregist verulega saman í ár. Helsta ástæðan sé hátt gengi krónunnar.
Leifur líkir árunum í kvikmyndagerðinni á síðustu árum við gullöld. Fór þá saman að gengið var lágt og áhuginn á Íslandi mikill. Erlendar kvikmyndir, á borð við The Secret Life of Walter Mitty, hafi átt þátt í að vekja áhuga á Íslandsferðum.
Nú séu Íslendingar að missa stór verkefni vegna himinhás verðlags. Vegna þessa segir Leifur í umfjöllun um mál þetta í Morgunblaðinu í dag, að líklega þurfi að auka stuðning stjórnvalda við kvikmyndagerð á Íslandi.