Íslenska hugbúnaðarfyrirtækið Meniga hefur verið tilnefnt til European Fintech Awards, hinna Evrópsku verðlauna í fjármálalausnum sem veitt verða í Brussel þann 27. september næstkomandi.
Keppnin veitir ár hvert verðlaun fyrir bestu og áhugaverðustu nýjungarnar í fjármálalausnum í Evrópu og dregur að sér yfir 500 frumkvöðla, fjárfesta og einstaklinga úr fjármálageiranum að því er kemur fram í tilkynningu frá Meniga.
Meniga er tilnefnt til verðlauna í flokki “heimilisfjármálalausna” eftir að hafa borið sigur úr bítum í atkvæðagreiðslu á netinu þar sem yfir 35 þúsund áhugamenn um fjármálatækni létu atkvæði sín falla. Meniga mun keppa um fyrsta sætið síðar í mánuðinum með lokakynningu sem metin verður af dómaranefnd áður en valið fer fram.
Meniga þróar og sölu á heimilisfjármálalausnir og afleiddar gagnavörur. Fyrirtækið er í viðskiptum við rúmlega 30 fjármálastofnanir og yfir 50 milljónir manna í 20 löndum eru með aðgang að hugbúnaði fyrirtækisins. Um 100 starfsmenn starfa hjá Meniga í Reykjavík, Stokkhólmi og London.