Hörður Arnarson, forstjóri Landsvirkjunar, segir að Landsvirkjun geti greitt 110 milljarða króna í arð til ríkisins á árunum 2020 til 2026.

Fjárhagslegur styrkur fyrirtækisins hafi aukist á síðustu árum og arðgreiðslugetan sé um tíu til tuttugu milljarðar á ári. Þetta kom fram í máli Harðar á Morgunvaktinni á Rás 2 í morgun en hann var gestur þáttarins. 

Haustfundur Landsvirkjunar hefst klukkan 8.30 og verður í beinni útsendingu hér á mbl.is. Þar verður meðal annars greint frá því hver áhrif loftslagsbreytinga hafa verið á orkuvinnslu og nýtingu íslenska kerfisins, hversu eftirsótt endurnýjanleg orka er orðin um allan heim og hvernig nýta má hana á sjálfbæran hátt.

Nánar verður fjallað um það sem fram kemur á fundinum á mbl.is í dag.

Tengdar fréttir

Náttúruauðlindir Íslands

Hagnaður OR dregst saman um 65,4%

• Frumvarp um þjóðgarð á miðhálendinu lagt fram í vor
• Uppbyggingu í Kerlingarfjöllum verði frestað
• Hafa safnað yfir 2.000 undirskriftum
• Landvernd safnar undirskriftum

» Fleiri tengdar fréttir

• Blogga um frétt