Væntingar markaðsaðila um lága vexti á næstu árum endurspegla að „það sé varanlega komið lægra vaxtastig í hagkerfinu“.
Þetta segir Jón Bjarki Bentsson, aðalhagfræðingur Íslandsbanka í Morgunblaðinu í dag. Tilefnið er ný könnun Seðlabanka Íslands (SÍ) á væntingum markaðsaðila. Könnunin var gerð um mánaðamótin og var þátttaka góð.
Samkvæmt könnuninni gera markaðsaðilar áfram ráð fyrir að langtímanafnvextir verði að meðaltali 4,8% næstu 10 ár. Til samanburðar voru væntingar um 6,6% vexti um mitt síðasta ár.