Kompaní, viðskiptaklúbbur Morgunblaðsins og mbl.is, stóð fyrir morgunverðarfundi í Hádegismóum í dag þar sem vefverslun á Íslandi var til umræðu.
Vefverslun heldur áfram að vaxa jafnt og þétt og hafa kannanir sýnt að um 80% Íslendinga versla á netinu sem er með því mesta í Evrópu. Logi Bergmann ræddi um stöðu og þróun mála við Lóu Dagbjörtu Kristjánsdóttur, eiganda Lindex á Íslandi, og Kristófer Júlíus Leifsson, framkvæmdastjóra Eldum rétt.
Um 100 manns mættu í Hádegismóa og að sögn Magnúsar E. Kristjánssonar, framkvæmdastjóra sölu- og markaðssviðs Árvakurs, heppnaðist viðburðinn vel.
„Þetta voru annars vegar skemmtilegar sögur og hins vegar áhugaverðar hugleiðingar um framtíðina,“ segir Magnús. „Við vorum afskaplega ánægð að sjá 100 manns mæta morgunverðarfundinn hjá okkur og ég heyrði ekki annað en að gestir hefðu verið mjög ánægðir með þetta.“
Kompaní er viðskiptaklúbbur Morgunblaðsins og stendur reglulega fyrir fræðslufundum og fyrirlestrum.