Efnahagsbrotadeild lettnesku lögreglunnar hefur handtekið seðlabankastjóra landsins, Ilmars Rimsevices, í tengslum við rannsókn á spillingarmáli, samkvæmt frétt BNS.
Lettneskir fjölmiðlar greina frá því að húsleit hafi verið gerð á heimili hans og skrifstofu í húsnæði Seðlabanka Lettlands.
Rimsevices var handtekinn í gærkvöldi og yfirheyrður í sjö klukkustundir áður en hann var fluttur á annan stað klukkan 01:30 í nótt.
Haft er eftir forsætisráðherra landsins, Maris Kucinskis, að boðað hafi verið til neyðarfundar hjá ríkisstjórn landsins á morgun um málið. Ekkert bendi til þess að fjármálakerfi landsins sé ógnað.