Matvöruverslunin Kostur var tekin til gjaldþrotaskipta í síðustu viku að beiðni tollstjóra vegna vangreiddra opinberra gjalda.
Fyrst var greint frá málinu í Markaðinum, fylgiriti Fréttablaðsins, í dag.
Lífeyrissjóður verslunarmanna hafði sent inn gjaldþrotabeiðni á hendur Kosti vegna vangoldinna iðgjalda í lífeyrissjóðinn og áður hafði VR sent inn beiðni um kyrrsetningu eigna vegna óuppgerðra launa ellefu starfsmanna.
Hafa starfsmennirnir, sem telja sig eiga inni laun hjá fyrirtækinu, farið fram á að fá greiddan þriggja mánaða uppsagnarfrest.
Ákveðið var að loka versluninni Kosti við Dalveg í Kópavogi í byrjun desember og sagði Jón Gerald Sullenberger, eigandi verslunarinnar, að Kostur gæti ekki keppti við Costco, eina stærstu verslunarkeðju heims.
Samkvæmt upplýsingum frá skiptastjóra þrotabúsins er búið að rýma verslunarrými Kosts á Dalvegi og hefur nýtt fyrirtæki hafið rekstur.