Tækniþróunarsjóður veitir styrki til hugmynda og fyrirtækja upp á allt að 2,3 milljarða árlega.
Hrund Gunnsteinsdóttir, stjórnarformaður Tækniþróunarsjóðs, telur að aukin áhersla á nýsköpun í samfélaginu skili sér inn í hagkerfið. Nauðsynlegt sé að styðja við nýsköpunarfyrirtæki til að tryggja fjölbreytt og sjálfbært atvinnulíf.
„Hagkerfið er byggt á hugviti,“ segir Hrund sem segir umsóknum fara sífellt fjölgandi en í ár bárust sjóðnum 377 umsóknir og 64 hlutu styrki, að því er fram kemur í umfjöllun um mál þetta í Morgunblaðinu í dag.