Sala rafhjóla hefur farið hægar af stað hér á landi en Jón Pétur Jónsson, eigandi reiðhjólaverslunarinnar Arnarins, átti von á.
Hann segir að sala rafhjóla hafi aukist mikið á meginlandi Evrópu undanfarin þrjú ár, en Íslendingar séu enn nokkuð eftir á í þessum efnum. Jón segir að það hafi tekið Örninn fimm ár að finna réttu hjólin fyrir íslenskar aðstæður, en þau verði að vera í sterkari kantinum, og rafhlaðan þurfi að hafa góða endingu.
„Íslendingar eru almennt mjög nýjungagjarnir og því hefur það komið mér á óvart hvað þessi tíska fer hægt af stað hér á landi.“