Sala H&M á Íslandi 746 milljónir í júní-ágúst

Sænski tískurisinn H&M birti í dag níu mánaða uppgjör samstæðunnar fyrir tímabilið 1. desember 2017 til 31. ágúst 2018. Verslanir H&M hér á Íslandi seldu varning fyrir 60 milljónir sænskar krónur á þriðja ársfjórðungi, frá 1. júní til 31. ágúst, sem eru um 746,4 milljónir íslenskar krónur.

H&M opnaði á Íslandi í ágúst á síðasta ári og því samanburður við sama tímabil í fyrra ekki markverður, en fyrirtækið seldi þá varning fyrir 13 milljónir sænskar krónur.

Salan á níu mánaða tímabili, eða sem fyrr segir frá 1. desember 2017 til 31. ágúst 2018, í búðum H&M hér á landi var 176 milljónir sænskar krónur, sem eru tæplega 2,2 milljarðar íslenskra króna.

Á heimsvísu var sala sænska fatarisans 179 milljarðar sænskra króna frá 1. desember 2017 til 31. ágúst 2018 eða um 2227 milljarðar íslenskra króna.

• Blogga um frétt