Nýir viðskiptastjórar hjá Verði

Svava O´Brien og Kristinn Örn Valdimarsson hafa verið ráðin í störf viðskiptastjóra í fyrirtækjaviðskiptum hjá Verði tryggingum. Frá þessu er greint í tilkynningu.

Svava er hagfræðingur að mennt. Árin 2012-2016 starfaði hún hjá Arion banka þar sem hún sinnti verkefnum á sviði nýsköpunar og vöruþróunar sem og hlutverki fyrirtækjaráðgjafa.

Síðustu ár hefur Svava starfað hjá Dale Carnegie sem og hjá Fréttablaðinu í hlutverki viðskiptastjóra.

Kristinn Örn Valdimarsson. Ljósmynd/Aðsend

Kristinn er viðskiptafræðingur að mennt. Frá árinu 2012 hefur hann starfað hjá Símanum við ýmis þjónustutengd verkefni og nú síðast sem viðskiptastjóri á fyrirtækjasviði.

• Blogga um frétt