Umhverfisverðlaun atvinnulífsins voru afhent við hátíðlega athöfn á Umhverfisdegi atvinnulífsins í dag. Þar hlaut Brim verðlaun sem umhverfisfyrirtæki ársins og Krónan verðlaun fyrir framtak á sviði umhverfismála.
Guðni Th. Jóhannesson, forseti Íslands, afhenti verðlaunin.
Í tilkynningu vegna verðlaunanna segir að Brim hafi tekið umhverfismálin föstum tökum, leggi áherslu á samfélagsábyrgð og virðingu fyrir umhverfinu og hafi unnið að því að kortleggja áhrif og ábyrgð félagsins, sett sér markmið og mælikvarða til að mæla árangur.
Viðurkenningu fyrir framtak ársins á sviði umhverfismála fær Krónan fyrir að hafa jákvæð áhrif á umhverfi sitt og sýna frumkvæði með nýjum verkefnum til að draga úr sóun og umhverfisáhrifum fyrirtækisins.