Félag í eigu Tómasar Kristjánssonar, stjórnarformanns Regins, hefur keypt 5 milljónir hluta í félaginu. Kaupverðið nemur 89 milljónum króna. Félagið sem um ræðir nefnist Gani ehf. og er að fullu í eigu Tómasar.
Tómas á einnig 50% hlut í félaginu Siglu ehf. sem heldur á 100 milljónum hluta í félaginu. Hinn helming félagsins á Finnur Reyr Stefánsson.
Hlutafjáreign félaganna tveggja nemur því 105 milljónum hluta og markaðsvirði þess nemur nú tæpum 1,9 milljarði króna.
Félagið hefur lækkað um 1,9% í Kauphöll í viðskiptum nú í morgun. Það sem af er ári hefur félagið lækkað um 19,64%.