Frá Sjóböðunum í Minigarðinn

Sigurjón Steinsson hefur verið ráðinn framkvæmdastjóri hjá Hlöllabátum yfir verkefninu Minigarðinum, en undir merkjum þess verða opnaðir tveir níu holu minigolfvellir, veitingastaður, sportbar og kokteilbar í Reykjavík á næstunni.

Sigurjón hefur undanfarin ár starfað sem framkvæmdastjóri Sjóbaðana á Húsavík (GeoSea), rekstrarstjóri hjá Kilroy Iceland og þar áður hjá Landsbankanum.

Sigurjón er með MBA gráðu frá Háskóla Íslands og B.Sc. gráðu í viðskiptalögfræði frá Háskólanum á Bifröst.

Minigarðurinn verður 1.900 fermetra staður sem á að geta hýst allt að 500 manns. Stefnt er að því að opna staðinn í sumar. Eigendur Hlöllabáta eru þeir Sigmar Vilhjálmsson og Óli Valur Steindórsson.

• Blogga um frétt