Fulltrúar verkefnisins Stafrænt Ísland áætla að innleiðing stafrænnar tækni við þinglýsingar muni spara 1,2-1,7 milljarða á hverju ári.
Við það bætist sparnaður vegna minni vaxtamunar, ferðalaga og fleiri þátta.
Fram kom í Morgunblaðinu í síðustu viku að það væri að jafnaði þriggja vikna bið eftir þinglýsingu lána hjá sýslumanni. Getur endurfjármögnun tekið allt að 8 vikur.
Andri Heiðar Kristinsson, framkvæmdastjóri hjá Stafrænu Íslandi, segir í samtali við ViðskiptaMoggann áformað að hægt verði að þinglýsa nýjum íbúðalánum stafrænt fyrir árslok.