Hið sögufræga Kjarvalshús á Sæbraut 1 á Seltjarnarnesi, sem hefur verið auglýst til sölu í meira en eitt ár, hefur nú verið selt, en kaupandinn mun vera Pétur Árni Jónsson, framkvæmdastjóri HEILD fasteignafélagsins og aðaleigandi útgáfufélags Viðskiptablaðsins. Greint er frá þessu í Markaðnum, fylgiriti Fréttablaðsins í dag.
Oliver Luckett, fisksali og listaverkasafnari, keypti húsið árið 2016. Húsið er sögufrægt en listamaðurinn Jóhannes Kjarval fékk húsið að gjöf frá íslensku þjóðinni. Hann flutti þó aldrei inn í húsið og 1991 festu hjónin Högni Óskarsson og Ingunn Ósk Benediktsdóttir kaup á húsinu.