Festa lífeyrissjóður hefur selt 5% hlut í Skeljungi fyrir tæpar 1.063 milljónir króna. Gengi bréfanna í viðskiptunum var 11 sem er nokkru yfir skráðu gengi á markaði í Kauphöll.
Festa var 5. stærsti hluthafi Skeljungs með 5,18% hlut. Stærsti hluthafi félagsins er Strengur hf. með 50,06% og næststærsti hluthafinn er Gildi lífeyrissjóður með 10,34%.
Ekki kemur fram í tilkynningu til Kauphallar Íslands, sem send var í tengslum við viðskiptin hverjir eða hver kaupir hlutinn af sjóðnum.
Eftir viðskiptin fer Festa með 0,2% hlut í Skeljungi.