Hefur náð til eins milljarðs manna

Mikil ánægja ríkir með 1,5 milljarða króna markaðsverkefni Íslandsstofu, Looks like you Need Iceland, að sögn Sigríðar Daggar Guðmundsdóttur, fagstjóra ferðaþjónustu hjá Íslandsstofu, en ráðist var í herferðina til að bregðast við áhrifum faraldursins á íslenska ferðaþjónustu. „Jákvæðni gagnvart Íslandi er að mælast mjög há miðað við aðra áfangastaði.“

Herferðin skiptist í meginatriðum í fjórarundirherferðir, Looks like you need to let it out, Looks like you need to joy scroll, Looks like you've had enough og þá nýjustu sem er enn í gangi; Looks like you need an adventure.

Samkvæmt tölum um Looks like you need an adventure sem Íslandsstofa tók saman fyrir ViðskiptaMoggann hafa 112 umfjallanir um Ísland sem áfangastað birst í erlendum miðlum sem samanlagt ná til eins milljarðs manna. Hafa umfjallanir birst í fjölmiðlum eins og Travel+Leisure, Forbes, MailOnline og Focus. Snertingar (e. impressions) við markhóp hafa verið 1,4 milljarðar talsins og 23 milljónir viðbragða hafa komið frá notendum á samfélagsmiðlum. Sé horft til áhorfs á herferðarmyndbönd eru þau 62 milljónir og tæplega ein milljón manns hefur heimsótt heimasíðu herferðarinnar.

Lestu meira um málið í ViðskiptaMogganum í dag.