Alþjóðagjaldeyrissjóðurinn (AFS) hefur lækkað hagvaxtarspá sína á evrusvæðinu úr 3,9 prósentum niður í 2,8 prósent.
Stríðið í Úkraínu vegur þungt á efnahagssvæðinu sem hefur nú þegar séð miklar hækkanir á orku og í framleiðslugeiranum.
Stríðið hefur haft meiri efnahagsáhrif á sum lönd eins og Ítalíu og Þýskaland heldur en önnur innan Evrópusambandsins því þau eru: „tiltölulega stór framleiðslusvæði sem eru háðari orkuinnflutningi frá Rússlandi,“ samkvæmt AGS.
Eftir að innrás Rússa í Úkraínu hófst 24. febrúar hefur neysluverð á evrusvæðinu hækkað um 7,5%, sem er met.
Evrópska efnahagssvæðið hafði þegar fundið fyrir minnkandi hagvexti vegna kórónuveirufaraldursins en var nýfarinn að rétta úr kútnum þegar stríðið braust út.