Gunnar ráðinn forstjóri Opinna kerfa

Gunnar Zoëga hefur verið ráðinn nýr forstjóri Opinna kerfa.

„Stjórn Opinna Kerfa, sem nýlega sameinaðist við PREMIS, hefur komist að samkomulagi við Gunnar Zoëga um að hann verði næsti forstjóri félagsins,“ segir í tilkynningu. 

Hann er menntaður tölvunar- og viðskiptafræðingur frá University of South Carolina og starfaði áður hjá Origo frá árinu 2011. Meðal annars var hann framkvæmdastjóri viðskiptaþróunar, framkvæmdastjóri lausna og þjónustu, og síðast framkvæmdastjóri notendalausna.

Nýja stjórn Opinna Kerfa skipa Kári Þór Guðjónsson (stjórnarformaður), Sigríður Olgeirsdóttir og Trausti Jónsson.

• Blogga um frétt