Kaupa gamla sendiráð Bandaríkjanna

Sala á gamla sendiráði og sendiráðsbústað Bandaríkjanna við Laufásveg 19-23 og Þingholtsstræti 34 til félagsins Laxamýri ehf. er á lokametrunum. Nýir eigendur vilja kanna hvort leyfi fáist til að breyta húsnæðinu í íbúðir.

Greint er frá málinu í Viðskiptablaðinu í dag en ásett verð var 720 milljónir króna.

Félagið Laxamýri ehf. er í eigu Hjalta Gylfasonar og Jónasar Más Gunnarssonar. Þeir reka einnig verktaka- og fasteignaþróunarfélagið Mannverk.

Laxamýri sendi Reykjavíkurborg bréf í mars og óskaði eftir samstarfi við skipulagssvið vegna þess að félagið hefur áhuga á að breyta notkun úr skrifstofu í íbúðarhúsnæði; í samræmi við upprunalega notkun þess.

Hins vegar er ekki til deiliskipulag um svæðið og því var óskað eftir samstarfi við borgaryfirvöld.

• Blogga um frétt