Horfur í efnahagsmálum „dekkst umtalsvert“
Setja bókamerki
Horfur í efnahagsmálum í heiminum hafa „dekkst umtalsvert" og þær gætu versnað enn frekar, að sögn framkvæmdastjóra Alþjóðagjaldeyrissjóðsins (AGS). Nefnir hún innrás Rússa í Úkraínu og þá miklu verðbólgu sem hún hefur valdið sem helstu ástæðuna fyrir því.
Þetta hafi í för með sér meiri hættu á víðtækri hungursneyð og fátækt.
Nokkrir mánuður eru liðnir síðan AGS lækkaði hagvaxtarspá sína fyrir árin 2022 og 2023.
Úkraínustríðið hófst á sama tíma og heimurinn var að reyna að jafna sig á áhrifum af völdum kórónuveirufaraldursins. Aukin verðbólga hefur ógnað þeim árangri sem hefur náðst á síðustu tveimur árum.
AGS „spáir því að það dragi enn frekar úr hagvexti" árin 2022 og 2023, sagði Kristalia Georgieva, framkvæmdastjóri AGS, í bloggfærslu sem var birt fyrir fund fjármálaráðherra og seðlabankastjóra G-20-ríkja sem verður haldinn á föstudag og laugardag í Balí á Indónesíu.
„Árið 2022 verður erfitt -- og mögulega verður 2023 enn erfiðara, með aukinni hættu á kreppu," skrifaði hún.
Átta létust og 229 slösuðust alvarlega
Framboð Viktors metið gilt
„Byggja varnargarð utan um fólkið okkar“
Hefur ekki upplýsingar um ráðningu Karenar
Ráðherrar taki „lúku úr ríkiskassanum“
