Borgin aflar 3,2 milljarða króna með skuldabréfaútgáfu
Setja bókamerki
Reykjavíkurborg tók tilboðum fyrir tæplega 3,2 milljarða króna í skuldabréfaútboði borgarinnar sem fram fór í gær. Alls bárust tilboð fyrir tæpa 4,6 milljarða.
Ákveðið var að taka tilboðum fyrir tæpa 1,3 milljarða að nafnvirði í verðtryggðum flokki RVK 32 1, á ávöxtunarkröfunni 3,61%. Í verðtryggðum flokki RVKG 48 1 tók borgin tilboðum fyrir tæpa 1,9 milljarða á ávöxtunarkröfunni 3,5.
Kjörin á skuldabréflokkunum eru tæplega hálfu prósentustigi hærri en á verðtryggðum bréfum Lánasjóðs sveitarfélaga, en ávöxtunarkröfur á skuldabréfaflokka lánasjóðsins eru á bilinu 3,04-3,22%. Þá er ávöxtunarkrafa á verðtryggða skuldabréfaflokka ríkisins á bilinu 1,8-1,9%.
Í fjárhagsáætlun Reykjavíkurborgar fyrir árið var áformað að taka lán fyrir allt að 21 milljarð króna að markaðsvirði. Til stóð að fara í sex skuldabréfaútgáfur á fyrri hluta ársins, en borgin hætti sem kunnugt er við útgáfu í mars og apríl. Borgin hefur nú aflað sér 7,2 milljarða með skuldabréfaútgáfu auk þess sem dregið hefur verið á lánalínu hjá Íslandsbanka, um alls þrjá milljarða króna.
Ný landamærastefna í júní eða júlí
„Ég er forsetaframbjóðandi, ekki hommi í framboði“
Flugvél Icelandair til Glasgow snúið við
Aldrei fleiri dósir í endurvinnslu
Að flytja á Álftanes var skrifað í skýin
Nýr skóli í Laugardal á teikniborðinu