Ásmundur Tryggvason, framkvæmdastjóri á sviði fyrirtækja og fjárfesta hjá Íslandsbanka, hefur ákveðið að stíga til hliðar. Er hann alfarið hættur störfum hjá bankanum.

Kristín Hrönn Guðmundsdóttir hefur verið ráðin í stað hans. 

Þetta kemur fram í tilkynningu frá Íslandsbanka í kvöld. Ásmundur hefur gegnt stöðunni frá ársbyrjun 2019.

Gustað hefur um stjórn og stjórnendur Íslandsbanka í vikunni eftir að fjármálaeftirlit Seðlabanka Íslands(FME) gaf út skýrslu sína um sölu bankans á 22,5% hlut íslenska ríkisins í bankanum á síðasta ári. 

Líkt og mbl.is fjallaði um á mánudag kom fram í skýrslunni að Ásmundur hafi sett sig í samband við regluvörslu bankans til að liðka fyrir kaupum starfsmanna bankans.

Frétt af mbl.is

Ræddi kaup starfsmanna

Í vikunni lét Birna Einarsdóttir af störfum sem bankastjóri og Jón Guðni Ómarsson var ráðinn í stöðuna. 

Kristín Hrönn hefur yfir 20 ára reynslu sem stjórnandi á fjármálamörkuðum. Hún stýrði teymi verslunar og þjónustu meðal stærri fyrirtækja á árunum 2013-2019 og hefur síðan þá verið forstöðumaður fjármála, reksturs og stefnumótunar á sviðinu auk þess að sitja í lánanefndum, efnahagsnefnd og fjárfestingarráði bankans.

Frétt af mbl.is

Birna segir upp störfum og Jón Guðni tekur við

Tengdar fréttir

Sala á hlut ríkisins í Íslandsbanka

Leggja fram vantrauststillögu í næstu viku

• „Við þurfum að selja banka“
• Óttast ráðstöfun andvirðis sölunnar
• Sala á Íslandsbanka geti skilað 100 milljörðum
• Sumargjöfin „blaut tuska“ í andlit almennings

» Fleiri tengdar fréttir

• Blogga um frétt