Birna Einarsdóttir, bankastjóri Íslandsbanka, hefur óskað eftir því að láta af störfum sem bankastjóri. Stjórn bankans og Birna hafa gert samkomulag um starfslok hennar.

Þetta kemur fram í tilkynningu frá bankanum sem var send út rétt fyrir klukkan fjögur í nótt. 

Stjórn bankans hefur ráðið Jón Guðna Ómarsson í starf bankastjóra.

Jón Guðni hefur starfað hjá Íslandsbanka og forverum hans frá árinu 2000 og gegnt starfi framkvæmdastjóra fjármála bankans frá 2011. Hann mun áfram gegna stöðu framkvæmdastjóra fjármála þar til ráðið hefur verið í þá stöðu.

„Fyrir hönd stjórnar vil ég þakka Birnu Einarsdóttur fyrir mörg farsæl ár í starfi hjá bankanum. Birna hefur byggt upp sterkan banka og öfluga liðsheild sem við munum áfram búa að. Hún hefur að sönnu verið hreyfiafl og haldið gildum um jafnrétti, fjölbreytileika og sjálfbærni á lofti innan sem utan fyrirtækisins. Við óskum Birnu velfarnaðar í framtíðinni,“ er haft eftir Finni Árnasyni, stjórnarformanni Íslandsbanka. 

„Stjórn bankans þekkir vel til starfa Jóns Guðna sem hefur yfirgripsmikla reynslu af störfum á fjármálamarkaði og mun leiða bankann á þeirri vegferð sem framundan er.“

Tengdar fréttir

Sala á hlut ríkisins í Íslandsbanka

Leggja fram vantrauststillögu í næstu viku

• „Við þurfum að selja banka“
• Óttast ráðstöfun andvirðis sölunnar
• Sala á Íslandsbanka geti skilað 100 milljörðum
• Sumargjöfin „blaut tuska“ í andlit almennings

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Finnur fórnar Birnu, verður Íslandsbanka stolið?
• Örn Gunnlaugsson: Skófar á rassgatið.