Magni Ásgeirsson var í þriðja sæti þegar fyrstu atkvæðatölur voru birtar eftir Rock Star þáttinn í kvöld. Toby Rand var efstur, síðan Lucas Rossi, Storm Large var í 4. sæti og Dilana Robichaux var í fimmta sæti. Fjögur af þessum fimm komast í lokaþáttinn, sem verður í næstu viku.
Magni söng Bítlalagið Back in the USSR, og lag sitt, When the Time Comes. Félagarnir í Supernovu fannst Magni flytja lögin með líkum hætti og Magni svaraði að bragði, að sennilega væri ástæðan sú að hann hefði sungið þau bæði.
Úrslitin í atkvæðagreiðslunni verða birt annað kvöld og hefst útsending á SkjáEinum á miðnætti.