Fregnir herma að Angelina Jolie og Brad Pitt hafi samið við tímaritið People um sem svarar 134 milljónum króna fyrir myndir af víetnamska drengnum sem hjónin hafa nýverið ættleitt. Tímaritið segir fréttir um þessa upphæð fáránlegar.
Tímaritið Radar greinir frá því að Angelina hafi samþykkt að selja myndir af drengnum, Pax Thien Jolie, í síðustu viku fyrir á bilinu 1,75 til 2 milljónir Bandaríkjadala. Talsmaður People segir þetta fáránlegar fregnir, en vildi ekki tjá sig um „nákvæmt inntak samningaviðræðna“.