Læknir Önnu Nicolu sætir rannsókn

Geðlæknir, sem sagður er hafa afhent fyrirsætunni Önnu Nicolu Smith lyfjaávísanir, sætir nú rannsókn læknaráðsins í Kalíforníu. Skjöl hafa verið birt sem sýna að geðlæknirinn, sem heitir Khristine Eroshevich, skrifaði upp á lyfseðla fyrir 11 lyf, sem síðar fundust í hótelherberginu þar sem Smith lést. Réttarkrufning leiddi í ljós að Smith lést vegna ofneyslu svefnlyfja.

Joshua Perper, yfirréttarlæknir í Browardsýslu á Flórída, sagðði að Smith hefði tekið ýmsar tegundir af svefnlyfjum, þunglyndislyfjum og róandi lyfjum.

Talsmaður læknaráðs Kalíforníu staðfesti, að verið væri að rannsaka starfsemi Eroshevich í kjölfar dauða Smith.

• 1 blogg um fréttina

Bloggað um fréttina

• Helga Auðunsdóttir: Maður getur nú ruglast !