Sigmundur Rafn Einarsson, eigandi hússins Parísar við göngugötuna á Akureyri, og Haukur Tryggvason hafa náð samkomulagi um að sá síðarnefndi haldi áfram rekstri tónleikastaðarins Græna hattsins í óbreyttri mynd í kjallara hússins.

Græni hatturinn hefur verið fádæma vinsæll síðustu misseri. Sigmundur sagði Hauki upp leigunni fyrir skömmu og hugðist reka staðinn sjálfur en Haukur hóf þá leit að öðru húsnæði fyrir sambærilegan stað. „Við vonum að þetta verði báðum stöðunum til framdráttar og menningarlíf bæjarins geti haldið áfram að dafna,“ sagði Haukur í gær og Sigmundur tók í sama streng.