Pete Burns gjaldþrota þegar hann lést

Söngvarinn Pete Burns, sem sló í gegn með laginu „You Spin Me Round“, var að sögn vina gjaldþrota eftir málaferli og margar ólukkaðar fegrunaraðgerðir. Burns lést á sunnudaginn eftir að hafa fengið hjartaáfall, en hann var 57 ára gamall.

Frétt mbl.is: Hefur gengist undir 300 fegrunaraðgerðir

Vinur söngvarans, George Galloway, sagði í viðtali við Daily Star að söngvarinn hafi verið á kúpunni og hafi margoft þurft að fá lánað fé frá vinum sínum.

„Pete var ekki á góðum stað, ég þurfti sjálfur að hjálpa honum úr klípu eða tveimur. Hann þurfti að þola mikið mótlæti í lífi sínu. Hann gekkst undir misheppnaða aðgerð á vörum á Ítalíu og varð gjaldþrota eftir málaferli þar sem hann fór fram á skaðabætur,“ er haft eftir hinum fyrrverandi þingmanni.

Frétt mbl.is: Pete Burns vildi ekki eldast

• Blogga um frétt