Tom Cruise tók æðiskast á tökustað
Setja bókamerki
Kórónuveiran hefur sett strik í reikninginn við gerð nýjustu nýjustu Mission: Impossible-myndarinnar. Hollywoodstjarnan Tom Cruise á mikið undir að allt gangi vel. Cruise missti stjórn á skapi sínu og öskraði á starfsmenn á setti í Bretlandi á dögunum eftir að hann sá þá brjóta sóttvarnareglur.
„Ef ég sé ykkur gera þetta aftur þá eruð þið farnir heim. Og ef einhver á þessu setti gerir hið sama er þetta búið. Og þú og þú og þú, aldrei gera þetta aftur,“ öskraði Cruise á starfsfólkið eftir að tveir menn virtu ekki tveggja metra regluna þar sem þeir stóðu við tölvuskjá. Breski miðillinn The Sun hefur hljóðupptöku af Cruise öskra undir höndum.
Alls urðu um 50 manns í kvikmyndaveri í Bretlandi vitni að æðiskasti leikarans. Cruise var mjög reiður enda hefur hann lagt mikið á sig sem aðalleikari og framleiðandi myndarinnar til þess að allt gangi upp við erfiðar aðstæður.
Cruise hélt áfram að lesa yfir starfsfólki sínu og sagði framleiðsluteymi hans hafa búið til viðmið sem framleiðslufyrirtæki í Hollywood færu nú eftir.
„Ég er í símanum öll kvöld við öll andskotans kvikmyndaverin, tryggingafélög, framleiðendur og allir horfa til okkar og nota okkur til að gera kvikmyndir. Við erum að skapa þúsundir starfa, hálfvitarnir ykkar. Ég vil aldrei sjá þetta aftur. Aldrei!“
Í spilaranum hér fyrir neðan má heyra Cruise lesa yfir starfsfólki sínu. Hann sagði framtíð kvikmyndaiðnarins vera í þeirra höndum. Til að gera ræðuna dramatískari sagði hann að fullt af fólk væri að missa vinnuna, hús sín og hefði ekki efni á menntun eða mat fyrir börn sín vegna samdráttar í kvikmyndaiðnaðinum.
Mun aðeins sýna þjóðinni hollustu
Ráðist á ferðamenn: „Það var blóð alls staðar“
„Söguleg óvirðing sem gleymist aldrei“
Alþjóðlegi sakamáladómstóllinn vill handtaka Netanjahú
Eldvörpin byrjuð að gefa eftir
Krabbameinsfélagið undirbýr mikilvæga rannsókn
Gæsluvarðhald yfir Davíð framlengt