Finnska lögreglan yfirheyrði í gær byssumanninn sem banaði níu samnemendum sínum í iðnskóla í Kauhajoki í morgun vegna myndskeiða sem maðurinn hafði sett á You Tube. Þetta staðfestir Anne Holmlund innanríkisráðherra Finna. Í myndskeiðunum sést hvar maðurinn æfir sig með skammbyssu. 

„Lögreglan vissi af þessum upptökum og ræddi við hann í gær. Lögreglumaðurinn á vakt það hins vegar sem svo að það væri ekki ástæða til þess að afturkalla byssuleyfi mannsins,“  segir Holmlund og bendir á að maðurinn hafi fyrr á þessu ári fengið tímabundið skotleyfi fyrir 22 kalíbera byssu.

Skólameistari iðnskólans, þar sem árásin var gerð, staðfesti einnig í dag, að árásarmaðurinn héti  Matti Juhani Saari og sé 22 ára. Hann hefur stundað matreiðslunám við skólann undanfarin tvö ár. 

Lögregla notaði herbíla til að girða skólahúsið af. Reuters

Tengdar fréttir

Skotárás í finnskum skóla

Tengsl milli fjöldamorðanna

• Handtekinn eftir birtingu myndskeiðs á YouTube
• Finnskur lögreglumaður í veikindaleyfi
• Eldur borinn að fórnarlömbunum
• „Hann var bara venjulegur strákur“

» Fleiri tengdar fréttir

• Blogga um frétt