Forstjóri þýska flugfélagsins Lufthansa, Wolfgang Mayrhuber, telur að Evrópusambandið eigi að greiða flugfélögum bætur vegna tap þeirra þegar lofthelgi flestra ríkja í Evrópu lokaðist vegna eldgossins í Eyjafjallajökli.

„Við viljum engar niðurgreiðslur en við viljum bætur þar sem við vorum sett í flugbann án þess að það væri nauðsynlegt,"  sagði Mayrhuber á blaðamannafundi sem Alþjóðasamtök flugfélaga, IATA, stóð fyrir í Berlín í dag.

Hætta varð við um 100 þúsund flugferðir í apríl eftir að flugmálayfirvöld í Evrópu lokuðu lofthelgi álfunnar vegna ótta um að aska frá eldgosinu gæti eyðilagt hreyfla flugvélanna.

Tap flugfélaganna er metið á 1,8 milljarða Bandaríkjadala, yfir 320 milljarða króna.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 1 blogg um fréttina

Bloggað um fréttina

• Gunnar Gunnarsson: Hryðjuverkalög; liggur í augum uppi