Eiginkonu nýbakaðs friðarverðlaunahafa Nóbels, Liu Xia, er nú haldið í stofufangelsi á heimili sínu, samkvæmt bandarískum mannréttindasamtökum. Eiginmaður hennar, Liu Xiaobo hefur setið í fangelsi frá því desember, en hann hvatti Kínverja til þess að berjast fyrir auknum réttindum.
„Hún er í raun í stofufangelsi í íbúð sinni í Peking,“ segir Beth Schwanke, lögfræðingur mannréttindasamtakanna "Freedom Now," Liu Xia.
Scwhank segir að í kjölfar tilkynningarinnar um að Xiaobo hafi hlotið friðarverðlaunin hafi sími eiginkonu hans verið tekinn af henni og henni tjáð að henni yrði haldið fastri. Þetta var gert í kjölfar þess að hún heimsótti eiginmann sinn og tjáði honum að hann hefði fengið verðlaunin.
„Þeir sögðu henni að farið yrði með hana í fangelsið að hitta eiginmann hennar,“ segir Schwanke.
„Þegar heim var komið var henni síðan tjáð að hún mætti ekki yfirgefa íbúð sína.“
Önnur samtök, „Mannréttindi í Kína,“ segist einnig hafa heyrt af handtöku Liu Xia. Í tilkynningu frá samtökunum hvetja þau „alþjóðasamfélagið til að þrýsta á um tafarlausa lausn Liu Xia úr stofufangelsi, lausn Liu Xiaobo, og lausn allra samviskufanga sem hafa unnið sér það eitt til saka að notfæra sér tjáningarfrelsið.“