Sú ákvörðun stjórnvalda í Ekvador að veita stofnanda uppljóstrunarvefsins Wikileaks, Julian Assange, hæli í landinu hefur leitt til þess að yfirvöld í Bretlandi eru nú stödd á gráu svæði bæði diplómatískt og lagalega. Þetta kemur fram hjá fréttaveitunni AFP.

Bresk stjórnvöld hafa ítrekað lagt áherslu á að þau hyggist framselja Assange til Svíþjóðar en þarlend yfirvöld vilja yfirheyra hann vegna ásaka um kynferðislega misnotkun á tveimur konum þar í landi. Assange flúði í sumar í sendiráð Ekvador í London og ber því við að hann treysti því ekki að sænsk stjórnvöld framselji hann ekki til Bandaríkjanna. Bandarísk stjórnvöld vilja hafa hendur í hári hans vegna þeirra opinberu bandarísku gagna sem hafa verið birt á Wikileaks.

Utanríkisráðherra Breta, William Hague, sagði hins vegar í dag að bresk stjórnvöld hefðu ekki í hyggju að fara inn í sendiráð Ekvador og taka Assange höndum eins og áður hefur verið haldið fram. Hins vegar hafa bresk yfirvöld sagt að Assange yrði handtekinn um leið og hann yfirgæfi sendiráðið.

Tengdar fréttir

Wikileaks - Julian Assange

Íhugar að fella niður ákærur á hendur Assange

• Assange vill mæta í jarðarför Westwood
• Assange veikur í fangelsi
• Assange áfrýjar ákvörðun breskra stjórnvalda
• Vilja að Assange verði sleppt úr fangelsi

» Fleiri tengdar fréttir

• 1 blogg um fréttina

Bloggað um fréttina

• el-Toro: hver er vondi gaurinn og hver er góði gaurinn...