Hamasliðar taka svikara af lífi

Vopnaðir menn tóku sex svikara af lífi í úthverfi Gazaborgar í dag, að sögn vitna. Fréttamaður AFP í Gazaborg segir að bílalest hafi ekið um götur borgarinnar og hafi lík eins svikarans hangið aftan í einni bifreiðinni.

Festu árásarmennirnir miða á líkin þar sem stóð að það hafi verið að verki liðsmenn hernaðararms Hamas, Al-Qassam.

Að sögn vitna komu mennirnir inn í hverfið á lítilli rútu, hentu sexmenningunum út úr bifreiðinni og skutu þá án þess að yfirgefa sjálfir bifreiðina. Á miða sem festur var á líkin stóð: „Al-Qassam herdeildirnar tilkynna um aftöku svikara.“

Samkvæmt skilaboðunum voru mennirnir myrtir fyrir að veita óvininum upplýsingar um getu hersveitanna og það sem væri fram undan hjá þeim. 

• 1 blogg um fréttina

Bloggað um fréttina

• Viggó Jörgensson: Hamas liðar myrða fólk eins og þeir eru vanir.