Dagblöðin Guardian og Washington Post deila með sér Pulitzer verðlaununum í ár í flokki frétta í almannaþágu, vegna afhjúpana þeirra um njósnir bandarískra stjórnvalda. Afhjúpanirnar byggðu á gögnum uppljóstrarans Edward Snowden.

Það er Columbia háskólinn sem veitir Pulitzer verðlaunin fyrir afburða fréttamennsku í Bandaríkjunum. Verðlaunin eru veitt í mörgum flokkum, þar á meðal fyrir fréttamennsku í almannaþágu.

Washington Post og breska blaðið Guardian, sem einnig er með starfsstöðvar í Bandaríkjunum, birtu fyrstu fréttirnar um víðtækar persónunjósnir Bandarísku öryggisstofnunina NSA, byggðar á gögnum sem Edward Snowden lak til þeirra.

Í umsögn dómnefndar segir að Washington Post hafi sýnt innsæi í fréttum sínum sem hjálpaði almenningi að komast í skilning um það hvaða þýðingu afhjúpanirnar hefðu í stærra samhengi við þjóðaröryggi Bandaríkjanna.

Guardian er verðlaunað fyrir afhjúpanir á umfangsmiklum njósnum NSA og harðan fréttaflutning sem dómnefndin segir að hafi hrint af stað umræðu milli almennings og stjórnvalda um öryggi og einkalíf. 

Tengdar fréttir

Edward Snowden

Snowden fær rússneskan ríkisborgararétt

• Njósnuðu um Hvíta húsið
• Hjálpuðu Snowden og er synjað um hæli
• Í hættu eftir að hafa aðstoðað Snowden
• Segja lögregluna á hælum sér

» Fleiri tengdar fréttir

• Blogga um frétt