Svo virðist sem velgengni Íslands hafi komið einhverjum á óvart í gærkvöldi en framlagi Pollapönks, No Prejudice, hafði ekki verið spáð góðum árangri af veðbönkum. Í frétt BBC segir að áhorfendur hafi ekki fagnað með rússnesku tvíburasysturunum þegar Rússland var dregið upp úr umslaginu.  

10 þúsund áhorfendur voru í B&W höllinni í Kaupmannahöfn í gærkvöldi þegar fyrra undanúrslitakvöld Eurovision fór fram. Mikil stemning ríkti og virtust flestir skemmta sér vel. Íslensku Pollapönkurunum var til að mynda fagnað gríðarlega eftir að þeir höfðu lokið flutningi sínum.

Tol­machevy syst­ur fluttu fram­lag Rúss­lands, Shine. Þær fengu sinn skerf af fagnaðarlátum þegar þær höfðu fluttu lagið en uppskáru aftur á móti baul áhorfenda þegar í ljós kom að þær hefðu komist í úrslit. Létu áhorfendur í ljós vanþóknun sína með látum.

Fyrir keppnina höfðu margir veðja á velgengni Armeníu, Svíþjóðar, Úkraínu, Ungverjalands og Aser­baíd­sj­an og höfðu því margir rétt fyrir sér. Í The Irish Times kemur fram að mörgum hafi komið á óvart að San Marínó rataði í úrslitin. Þetta er í þriðja skipti í röð sem Valentina Monetta flytur framlag landsins.

„Aðrir sem komu á óvart voru Svartfjallaland, með ballöðuna Moj Svijet og Ísland, með framlag um umburðarlyndi, No Prejudice,“ segir í fréttinni. 

Frétt BBC

Tengdar fréttir

Eurovision

EBU megi fara til fjandans

• Dulin skilaboð frá portúgalska keppandanum
• Hollendingurinn mætti í eftirpartíið
• Þátttakan tileinkuð gíslunum
• Ísland lenti í síðasta sæti

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Það var ekki púað á Vladimir Kuts í Melbourne.