Bandaríski uppljóstrarinn Edward Snowden fær að vera í þrjú ár til viðbótar í Rússlandi. Hann kom til landsins 31. júlí í fyrra og fékk hann pólitískt hæli í kjölfarið.
Nú hefur hann fengið formlegt leyfi til að dvelja í landinu til ársins 2017. Lögmaður Snowden, Anatoly Kucherena, tilkynnti þetta á blaðamannafundi í morgun.
Til að byrja með dvaldi hann í einn mánuð á flugvellinum í Moskvu en eftir það hefur lítið til hans sést. Ekki er vitað hvar hann dvelur í landinu.