Hryðjuverkasamtökin Ríki íslams sendu í morgun frá sér myndband sem sýnir hvernig liðsmenn samtakanna rústuðu hinni fornu borg Hatra í Írak í byrjun marsmánaðar.
Borgin var stofnuð fyrir um tvö þúsund árum og er á heimsminjaskrá UNESCO.
Liðsmenn samtakanna fóru með ránshendi um borgina, en auk þess að eyðileggja gríðarleg menningarverðmæti, stálu þeir meðal annars gull og silfri.
Þeir líta svo á að líkneski og styttur séu „fölsk skurðgoð“ og þau beri að eyðileggja.
Hatra er í um 110 kílómetra fjarlægð frá Mosul.
Ban Ki-Moon, aðalritari Sameinuðu þjóðanna, sagði að eyðilegging Ríkis íslams væri ekkert annað en stríðsglæpur.