Að minnsta kosti fjörutíu manns drukknuðu skammt frá Sikiley. Þetta er enn eitt slysið þar sem flóttafólk frá Líbíu á leið til Ítalíu lætur lífið á flóttanum yfir hafið. Um 10 þúsund flóttamönnum hefur verið bjargað á leið sinni til Ítalíu á undanförnum dögum. Hundruð hafa látið lífið á leiðinni frá byrjun árs. Í síðustu viku létu um 400 manns lífið er bát þeirra hvolfdi.
Ítalía hefur óskað eftir aukinni aðstoð Evrópusambandsins vegna flóttamannastraumsins.
Varðskipið Týr er nú í verkefni í Miðjarðarhafinu. Þegar hefur áhöfn skipsins komið að björgun mörg hundruð flóttamanna.