Stóraukinn stuðningur við úrsögn
Setja bókamerki
Stuðningur við að Bretland yfirgefi Evrópusambandið hefur stóraukist í kjölfar þess að drög að samkomulagi á milli breskra stjórnvalda og ráðamanna í Brussel um breytingar á forsendum fyrir veru landsins í sambandinu voru gerð opinber.
Þetta kemur fram á fréttavef breska dagblaðsins Times þar sem vísað er í niðurstöður nýrrar skoðanakönnunar sem fyrirtækið YouGov gerði fyrir blaðið. Samvæmt henni eru nú 45% Breta hlynnt því að segja skilið við Evrópusambandið en 36% vilja vera áfram innan þess. Fram kemur að sé aðeins miðað við þá sem taka annað hvort afstöðu með eða á móti áframhaldandi veru í sambandinu vilji 56% yfirgefa það en 44% vera um kyrrt.
Síðasta skoðanakönnun YouGov var gerð í lok janúar en þá voru 42% hlynnt því að yfirgefa Evópusambandið en 38% vildu vera áfram innan þess. Einnig var spurt í könnuninni nú um afstöðu fólks til draganna og sögðust 22% vera sátt við þau en 56% að þau fælu ekki í sér nógu miklar breytingar. Könnunin náði til 1.675 manns og var gerð dagana 3. og 4 febrúar. Samkomulagsdrögin voru gerð opinber 2. febrúar.
„Verða bara eins og „zombíar““
Átta til tólf erlendir glæpahópar
Algeng laun 1,4 til 2,2 milljónir
Quang Le: „Rottuskíturinn kom mér á óvart“
Fjarskiptatæki um alla borg sprungu samtímis
„Hví erum við dýrasta land í heimi?“
Tveir í haldi grunaðir um mansal og smygl á fólki